Prolongashon di Èrfpagt (Wederuitgifte)

Dikon prolongá?

Konforme e lei i reglamentu vigente bo mester tin un akuerdo válido pa por hasi uzo di tereno di Gobièrnu. Den 3 luna despues di tèrminashon di e periodo di èrfpagt mester yega na un akuerdo nobo di emishon. Si akaso esaki no sosodé, Gobièrnu tin derechi pa tuma e tereno i tur loke tin riba dje den beslag ku kompensashon pa daño.

Mester registrá tèrminashon di e término di èrfpagt den Registro Públiko (Kadaster). Esaki por tin konsekuensianan negativo.

Si akaso bo tin un hipotek, bo banko ta eksigí pa bo tin un akuerdo di èrfpagt válido.
Si akaso bo kier bende bo kas tambe bo mester tin un akuerdo di èrfpagt válido.

Kon mi por sa ki ora mi akuerdo di èrfpagt a vense?

Bo akta di èrfpagt ta stipulá e fecha ku bo término di èrfpagt ta drenta na vigor i kon largu esaki ta dura. Por tuma kontakto tambe ku Domeinbeheer pa kontrolá te ki dia bo término di èrfpagt ta kana.

Ki mi mester hasi?

Si akaso bo término di èrfpagt no a kaba ainda, abo mes no mester hasi nada. Na final di e término bo ta risibí un proposishon nobo di Domeinbeheer. Si akaso bo término di èrfpagt a kaba sin ku bo risibí un proposishon nobo, bo mester tuma kontakto ku Domeinbeheer. Domeinbeheer ta informá bo e ora ei tokante renobashon di bo èrfpagt.

Kiko ta e prosedura?

Na momentu ku e término di èrfpagt kaduká bo ta risibí un proposishon pa re-emishon di e èrfpagt serka Domeinbeheer (bo mes tambe por tuma e inisiativa di hasi petishon pa re-emishon). Denter di 4 siman bo mester indiká, por eskrito, si bo ta bai di akuerdo ku e proposishon. Si akaso bo ta di akuerdo, bo ta firma e proposishon i lo traha e dekreto definitivo pa re-emishon di e tereno di èrfpagt. Seguidamente mester pasa e akta pa re-emishon di e tereno di èrfpagt serka un notario.

Si akaso bo no ta di akuerdo ku e proposishon, lo tèrminá e akuerdo di èrfpagt i Gobièrnu por pone e derechi di èrfpagt di e tereno i e konstrukshon(nan) riba dje na findishi.

Kiko ta e kostonan?

Ora ta trata di re-emishon bo lo tin e siguiente kostonan:

• Kostonan di Notario: mester laga un notario pasa e akta nobo. E persona ku a apliká pa èrfpagt ta paga e kostonan aki.
• Si akaso esaki ta aplikabel, kosto pa establesé e derechi di hipotek riba e èrfpagt nobo.
• Suma nobo di kanòn: ta determiná e kanòn di èrfpagt ku mester paga konforme e ‘Grondwaardeboek’. E kanòn di èrfpagt ta suma 6% di e balor di e tereno.

Durante di e periodo di bo akuerdo di èrfpagt e balor di tereno a subi. Dor di esaki bo suma anual di bo término di èrfpagt lo ta mas haltu ku e suma aktual.

‘Grondwaardeboek’

Ora ta trata di re-emishon bo lo tin e siguiente kostonan:

E balor di tereno den e diferente barionan di Kòrsou ta keda stipulá pa taksadónan independiente i nan ta skibí den e Grondwaardeboek.