Kambio di Hür pa Èrfpagt

KAMBIO DI HÜR PA ÈRFPAGT

Domeinbeheer ta responsabel pa maneho di terenonan públiko, propiedatnan inmóbil i awanan teritorial di Gobièrnu. Domeinbeheer ta sòru emití terenonan di gobièrnu den diferente forma. Ta emití terenonan pa bibienda, uzo komersial i uzo industrial prinsipalmente den èrfpagt i terenonan pa uzo agrario den forma di hür.

Dikon kambia tereno di hür pa èrfpagt?

E tereno ku ta emití na bo den forma di hür tin un derechi personal. Èrfpagt en kambio tin un derechi hurídiko. Esaki ta importante, por ehèmpel na momentu ku bo kier apliká pa hipotek. Banko ta duna esaki solamente si bo tin un derechi hurídiko riba e tereno (den e kaso aki èrfpagt). Ademas, bo tin derechi riba un tereno di hür pa un término di máksimo di 5 aña. E derechi riba e tereno di èrfpagt ta válido pa 60 aña.

Kon mi ta apliká pa kambio di hür pa èrfpagt?

Bo ta entregá bo petishon pa kambio di hür pa èrfpagt serka Domeinbeheer. No ta tur biaha e kambio di hür pa èrfpagt ta trata e parsela di hür kompletu. Ta posibel por ehèmpel pa kambia parti di un tereno di uzo agrario den èrfpagt, i mantené un parti komo hür. Esaki ta konta entre otro den kaso di terenonan grandi kaminda Domeinbeheer kasi semper ta kambia e parti di bibienda den èrfpagt.

Dokumentonan Nesesario

Bo ta hasi petishon pa e kambio na Domeinbeheer. Huntu ku bo petishon bo mester entregá lo siguiente:

  • Sédula, reibeweis òf pasport válido
  • (Kopia ID) akuerdo di hür vigente òf buki di hür
  • Stampia di 10 florin
  • Situatietekening (si akaso no tin buki)

Kiko ta e kostonan di kambio di hür pa èrfpagt?

Ta eksigí un deskripshon kadastral pa por radiká un derechi di èrfpagt (NBW). E kostonan pa traha e doku­men­to kadastral ta bin pa kuenta di e persona ku e derechi di èrfpagt.

Por lo demas, bo mester paga e siguiente kostonan:

  • impuesto di traspaso
  • kosto di Kadaster
  • kosto di notario
  • kanòn nobo di èrfpagt

Promé ku kambio di tereno di hür pa èrfpagt, tur faktura mester ta pagá.

PREGUNTANAN FREKUENTE:

Semper mi por kambia mi tereno di hür pa èrfpagt?

No ta tur biaha kambio di tereno di hür pa èrfpagt ta posibel. Si akaso realmente ta trata bibienda, ta aprobá e petishon mayoria bes. Pidi konseho pa esaki serka Domeinbeheer.

Ki kompensashon (kanòn di èrfpagt) mi ta paga pa aña?

Ta determiná e kanòn di èrfpagt a base di e balor di tereno den bo bario. Ta determiná e balor di tereno dor di tasadónan independiente. E balor ta stipulá den e Grond­waardeboek.
E kanòn di èrfpagt ta 6% di bo balor di tereno pa aña.

Kiko ta e durashon di èrfpagt?

Ta sera akuerdonan di èrfpagt pa bibienda pa un periodo di 60 aña.

Mi faktura pa èrfpagt òf hür no ta korekto.

Si akaso bo a risibí un faktura di Domeinbeheer ku no ta korekto, bo por tuma kontakto ku Domeinbeheer via di telefòn òf bo por bishitá Sentro di Servisio di Domeinbeheer.