Formalisashon

FORMALISASHON

KI ORA TA TRATA DI FORMALISASHON DI OKUPASHON ILEGAL?

Sierto dokumento ta nesesario pa atendé kada kaso. Den e kaso aki, e dokumentonan ku sigur ta nesesario ta:

Formalisashon di okupashon ilegal ta nifiká ku Domeinbeheer ta hasi loke ta nesesario den kuadro di lei, regulashon i di maneho stipulá pa por kambia status di e okupashon di unu ilegal, pa unu legal. Di e moda aki esun ku ta okupá e tereno lo atkerí derechi pa por usa e tereno. E lo keda registrá ofisialmente i e lo bai kumpli debidamente ku rekerimentunan manera pago pa e uso di e tereno i pago di “Onroerende Zaak Belasting” (OZB).

No ta posibel pa formalisá kasonan di okupashon ilegal sin kontrukshon riba dje. Den kasonan asina, e persona tin e opshon pa entregá un petishon na Domeinbeheer pa e bini na remarke pa un tereno.

Pa kasonan di okupashon ilegal ku si tin konstrukshon riba dje, tin un maneho ku a drenta na vigor 1 di òktober 2015. Esaki ta enserá ku lo trata mas tantu posibel, te kaminda ku lei, regulashon i maneho ta permití esaki, pa formalisá den forma aselerá kasonan di okupashon ilegal ku konstrukshon riba dje, si nan tabata eksistí promé ku e ‘nulmeting’.

Tin potrèt di satélite detayá ku a saka di tur sitio na Kòrsou, riba kua tur konstrukshon, kaya i tereno na Kòrsou ta registrá. E registrashon aki (yamá ‘nulmeting’) ta konta komo base pa distinguí kaso eksistente for di kaso nobo. Ta rekerí di e persona ku a okupá tereno ilegalmente ku e lo prueba ku e propiedat tabata eksistí promé ku e ‘nulmeting’. Den kaso ku lei, regulashon òf maneho no ta permití esaki, lo no por formalisá e okupashon ilegal. Den kasonan asina, lo start e prosedura pa basha e konstrukshon abou.

Formalisashon di bario pa bario

Lo atendé di bario pa bario ku formalisashon den forma aselerá. Ta brinda habitantenan ku ta okupá tereno di Gobièrnu den forma ilegal oportunidat pa mèldu nan mes boluntariamente i denter di un término stipulá hasi un petishon pa formalisashon.

No mèldu boluntariamente

Si un habitante ku ta okupá tereno di Gobièrnu den forma ilegal no mèldu su mes boluntariamente, lo tuma medida di òrdu kontra di dje. Ademas, lo tin gastu adishonal pa e habitantenan aki.

Kòntrakt di hür temporal

Den kaso ku formalisashon ta posibel, lo firma un kòntrakt di hür temporal, pendiente aprobashon di departamentu ROP (Ruimtelijke Ordening en Planning). Mas despues, e persona lo drenta den e proseso pa kombertí e kòntrakt di hür den èrfpagt. Na momentu di firma e kòntrakt di hür temporal lo determiná e kompensashon pa e hür temporal. Lo kobra kompensashon ku forsa retroaktivo, te na e momento ku e okupashon ilegal a kuminsá, te un máksimo di 5 aña. Den kaso ku no kumpli ku e rekerimiento aki, lo start e prosedura pa basha e konstrukshon abou.

Dokumentonan nesesario

Loke bo mester trese ku bo si bo ke hasi petishon pa formalisá okupashon ilegal:

–    Sédula, reibeweis òf pasport válido

–    Un ‘situatie schets’ di Kadaster ku bo bibienda marká riba dje