Ta importante pa bo adrès na Registro Sivil ta aktual!

Domeinbeheer ta partisipá ku komo parti di su trayekto di optimalisashon ‘Rumbo pa Ekselensia’ lo bai tin diferente seshon di informashon pa klientenan riba Lista di Espera durante e di dos mitar di aña 2018. Den e kuadro aki Domeinbeheer kier hasi un yamada na pueblo di Kòrsou pa aktualisá e adrès ku kada persona tin registrá aworakí na Registro Sivil, si esaki ainda no ta e kaso, promé ku 15 di yüli 2018.

Domeinbeheer ta informá:

Ta importante pa bo adrès na Registro Sivil ta aktual!

Willemstad – Domeinbeheer ta partisipá ku komo parti di su trayekto di optimalisashon ‘Rumbo pa Ekselensia’ lo bai tin diferente seshon di informashon pa klientenan riba Lista di Espera durante e di dos mitar di aña 2018. Den e kuadro aki Domeinbeheer kier hasi un yamada na pueblo di Kòrsou pa aktualisá e adrès ku kada persona tin registrá aworakí na Registro Sivil, si esaki ainda no ta e kaso, promé ku 15 di yüli 2018.

Sierto di e klientenan di Domeinbeheer ta kliente pa mas ku 20 aña i den práktika ta resultá tin ora ku e adrès ku tin den sistema ta bieu i no ta kuadra mas ku realidat. Den kasonan asina Domeinbeheer ta aserká e instansia ofisial di Kòrsou, kual ta Registro Sivil, pa pidi pa e adrès ofisial di e kliente. Ta hasi esaki ku e meta di distribuí karta ku un invitashon ofisial di parti di Gobièrnu (officieële oproep) pa e kliente ora ku mester. Lo saka e kartanan riba adrès i diferente ‘bode’ lo kore parti nan di kas pa kas. E ora ei, mas ku klaro, klientenan ku no tin e adrès aktualisá na Registro Sivil lo no risibí e karta.

Pa e di dos mitar di aña 2018 Domeinbeheer lo tene seshonnan pa personanan ku ta na turno riba Lista di Espera. E personanan aki lo risibí e invitashon ofisial di Gobièrnu via di un karta ku Domeinbeheer lo manda na su adrès ofisial. Domeinbeheer no ta para responsabel si e kliente no risibí e invitashon ofisial komo konsekuensia ku su adrès no ta registrá na Registro Sivil. Tene na kuenta ku si e kliente no reakshoná riba e invitashon aki e por tin konsekuensia pa ku su posishon riba Lista di Espera.

Pa e motibu aki Domeinbeheer ta urgi tur hende pa aktualisá e adrès na Registro Sivil mas pronto ku ta posibel, ya asina ta evitá malkontentu. Pa mas informashon por tuma kontakto ku Sentro di Serivisio Domeinbeheer na 0800-1919 òf bishitá e ‘Facebook page’ Domeinbeheer – Tereno pa Tur. Pa informashon general di Domeinbeheer por bishitá www.domeinbeheer.cw

Final di Komunikado