Den e sektor di infrastruktura i planifikashon urbano di ministerio di Tráfiko, Transporte i Planifikashon Urbano, e organisashon Servisio pa Atministrashon i Maneho di Tereno Públiko (Domeinbeheer) ta responsabel pa asigná i manehá terenonan públiko, awanan teritorial i propiedatnan inmóbil di Gobièrnu di Kòrsou na un manera optimal.
Domeinbeheer ta emití terenonan públiko na siudadanonan òf kompanianan pa nan por traha kas, pa metanan komersial, industrial, turístiko òf agrario. Pa hasi esaki, Domeinbeheer, na nòmber di Gobièrnu di Kòrsou, ta kobra èrfpagt òf hür.
Banda di tur esaki, Domeinbeheer ta atministrá i manehá terenonan na nòmber di Gobièrnu di Kòrsou.
DOMEINBEHEER TIN E SIGUIENTE TAREANAN PRINSIPAL:
- Desaroyá reglanan i instrumentonan pa por manehá terenonan i edifisionan di Gobièrnu i tambe pa por manehá awanan teritorial di Kòrsou.
- Registrá terenonan di Gobièrnu, awanan teritorial, i edifisionan di Gobièrnu.
- Prepará terenonan pa konstrukshon.
- Duna tereno di Gobièrnu na persona òf organisashonnan pa nan usa den diferente forma, sea pa traha kas, uzo komersial, industrial, turístiko òf agrario.
- Manehá e parti di atministrashon finansiero di terenonan di Gobièrnu, playanan, awanan teritorial, edifisionan i demas propiedatnan inmóbil di Gobièrnu.
- Inspektá i kontrolá terenonan di Gobièrnu, awanan teritorial, edifisionan i demas propiedatnan di Gobièrnu pa sòru ku nan ta keda usá segun regla.
- Kordiná proyektonan pa desaroyo di terenonan di Gobièrnu.
- Bende terenonan di Gobièrnu, edifisionan i demas propiedatnan inmóbil di Gobièrnu.
- Manehá atministrashon di edifisionan di Gobièrnu.
Por akudí na Domeinbeheer pa entre otro e siguiente servisionan:
- Informashon General
- Èrfpagt i hür
- Prolongashon di Èrfpagt
- Kanselashon di Èrfpagt
- Traspaso i splesmentu
- Kambio di hür pa Èrfpagt
- Okupashon Ilegal i Mantenshon di Òrdu
- Formalisashon
STRUKTURA
Pa por kumpli debidamente ku tur su tareanan, Domeinbeheer tin e siguiente struktura organisatorio:
