Kondishonnan pa Inskripshon di Lista di Espera

A base di e dekreto di 1 di novèmber 1983 number 83/11105, Kolegio Ehekutivo a establesé kondishon pa inskripshon pa emishon di tereno ku ta pertenesé na Kòrsou komo tereno di hür òf tereno di èrfpagt. Konsiderando e kantidat limitá di tereno ku ya ta kla pa konstruí riba dje, i e kantidat grandi di petishon pa tereno, a traha un asina yamá lista di espera. E kriterionan pa un puesto riba e lista di espera ta:

E persona ku ta hasi e petishon:

  • mester ta mayor di edat
  • mester ta inskribí na Kòrsou
  • no mester tin tereno (hür, èrfpagt òf propiedat)
  • mester tin rekurso finansiero
  • no por tin un entrada riba kual e ta paga impuesto ku ta mas haltu ku NAƒ. 70.000, pa aña

Tur aña Domeinbeheer ta kontrolá su datonan pa sa si esnan riba e lista di espera ainda ta kumpli ku e kondishonnan. Den e kaso ku un persona riba e lista no ta kumpli mas ku e kondishonnan, e inskripshon ta kaduká. Domeinbeheer lo informá kada persona por eskrito di adaptashon di su status riba e lista di espera pa traha kas.

Lesa mas tokante di