Gobièrnu sa!

‘Nulmeting’

Ministerio di Tráfiko, Transporte i Planifikashon Urbano a hala un liña pa ku okupashon ilegal na aña 2015. A introdusí un Maneho Nobo ku no ta tolerá okupashon ilegal mas. E Maneho Nobo aki di Sero Toleransia ta enserá ku ta tuma medida di òrdu den kaso di okupashon ilegal.

Pues:

  • ta stòp okupashon ilegal eksistente òf ta formalisá esaki den kuadro di posibilidatnan di lei, regulashon i maneho
  • tuma medida kontra kasonan nobo di okupashon ilegal

Ademas ku mester stòp di okupá tereno di Gobièrnu ilegalmente, mester stòp tambe tur konstrukshon riba e terenonan aki.

Gobièrnu no ta tolerá ni formalisá konstrukshon nobo. Kasonan eksistente si lo por bin na remarke pa formalisashon.

Tin potrèt di satélite detayá ku a saka di tur sitio na Kòrsou, riba kua tur konstrukshon, kaya i tereno na Kòrsou ta registrá. E registrashon aki (yamá ‘nulmeting’) ta konta komo base pa distinguí kaso eksistente for di kaso nobo.

NOORD STA. ROSA

before1after1
before2after2