DOMEINBEHEER
Domeinbeheer (Servisio pa Atministrashon i Maneho di Tereno Públiko) ta forma parti di Ministerio di Tráfiko, Transporte i Planifikashon Urbano. Domeinbeheer ta e instansia di Gobièrnu di Kòrsou responsabel prinsipalmente pa:
- Atministrá, manehá i emití Tereno di Gobièrnu
- Maneho atministrativo i mantenshon di Edifisio di Gobièrnu ku no ta den uzo
- Maneho di awanan teritorial
- Desaroyo, atministrashon i maneho di otro propiedat inmóbil di Gobièrnu
Domeinbeheer ta responsabel pa pone tereno di Gobièrnu disponibel pa entre otro suidadanonan òf kompanianan por usa pa traha kas i pa metanan komersial i industrial, turístiko i agrario. Na nòmber di Gobièrnu di Kòrsou, Domeinbeheer, ta kobra usadónan di tereno di Gobièrnu èrfpagt òf hür. Domeinbeheer ta kontrolá si tin okupashon ilegal di terenonan di Gobièrnu, i ta aktua kontra di esaki.
Domeinbeheer ta Rumbo pa Ekselensia: trahando duru pa mehorá su servisio na pueblo.
