Rumbo pa Ekselensia ta un plan diseñá a base di análisis i estudionan ku a hasi riba e nivel di prestashon di Domeinbeheer, ya komo ku pa hopi aña Domeinbeheer a bin ta konfrontá retraso den su produkshon na kliente. A base di e resultado di e estudionan a traha riba un Plan di Implementashon ku e meta pa yuda alsa e nivel di prestashon na un manera integral i duradero.
Domeinbeheer su vishon ta pa bira un di e katalisadónan prinsipal di desaroyo sosio-ekonómiko di Kòrsou. Domeinbeheer ke realisá esaki entamando proyektonan ku tin impakto supstansial i duradero riba desaroyo di Kòrsou, hasiendo tambe mihó uso di su rekursonan.
Ku guia di e Plan di Implementashon Rumbo pa Ekselensia Domeinbeheer ta den un proseso dinámiko di mehorá i modernisá su prosesonan interno i su servisionan.
Ademas Domeinbeheer ta ampliando su servisio na kliente riba diferente tereno.
Poko poko pero sigur, lo bai mira tur e mehoranan aki den práktika.
En bèrdat por bisa ku Domeinbeheer ta Rumbo pa Ekselensia!
